სტარტი და ფინიში განთავსებულია თბილისის ცენტრში, შოთა რუსთაველის გამზირზე, თბილისის კლასიკური გიმნაზიის წინ.
მარშრუტი მონიშნულია მწვანე ზოლით. აღნიშნული ბილიკის დატოვება და მარშრუტის რაიმე სახით შემოკლება გამოიწვევს მონაწილეთა დისკვალიფიკაციას.
თქვენი პირადი დრო/შედეგები გაიზომება AIMS სტანდარტების შესაბამისი სპეციალური ტრანსპონდერის (RFID) სისტემის მეშვეობით. თქვენი პირადი ტრანსპონდერი/ჩიპი მოთავსებულია თქვენს საასპარეზო ნომერში.

ჩვენ ვეცადეთ, რომ მარშრუტი ყოფილიყო მაქსიმალურად სწორი ზედაპირის. სტარტი და ფინიში ერთსა და იმავე ადგილასაა განთავსებული. სარბენი ბილიკის უმაღლეს და ყველაზე დაბალ წერტილებს შორის განსხავება 55 მეტრია (სტარტი/ფინიში - ზღვის დონიდან კურსის ყველაზე მაღალი წერტილია და 449 მეტრზეა , ხოლო ყველაზე დაბალი წერტილი ზღვის დონიდან - 394 მეტრზე). მარშრუტის ძირითადი ნაწილი მოასფალტებულია. 10 კმ გარბენის მონაწილეებს 800 მეტრი ქვაფენილით დაფარული ბილიკის გავლა მოუწევთ, ხოლო ნახევარმარათონის მონაწილეებმა ეს მონაკვეთი 2ჯერ უნდა დაფარონ.

ღონისძიების დღეს სავარაუდო ტემპერატურა იქნება 10°C - 22°C შუალედში. (წყარო: ვიკიპედია, თბილისი)

ნახევარმარათონისთვის განკუთვნილი დროის განმავლობაში (09:00 – 12:00) სარბენი მარშრუტი ავტომობილებისგან სრულიად თავისუფალი იქნება.

სარბენ ბილიკზე თითოეული კილომეტრი გარკვევით იქნება აღნიშნული.

პუნქტები შესვენებისთვის:

10 კმ გარბენი - 4.4 კმ და ფინიშის მიმდებარე ტერიტორია

ნახევარმარათონი: 4.4 კმ, 10.5 კმ და ფინიშის ტერიტორია

აღნიშნულ პუნქტებზე იქნება სასმელი წყალი და დაჭრილი ბანანი.