რიგით მეშვიდე ნახევარმარათონში ჯამში 54 ქვეყნის 2759 მონაწილე და 500 ბავშვი ჩაერთო.

ფინიშის ხაზი კი 1419-მა მორბენალმა გადაკვეთა. რეგისტრაციიდან შემოსულმა თანხამ 45 495 ლარი შეადგინა, რაც კომპანია „ჰაიდელბერგცემენტის“ მიერ გაორმაგებული ოდენობით - თბილისში არაკომერციულ ორგანიზაცია "პირველი ნაბიჯის" კოტეჯების რეაბილიტაციას და მოწყობას მოხმარდა. შესაბამისად „თბილისიმარათონზე“ თითოეული დარეგისტრირებული პირი ქველმოქმედების მონაწილე გახლდათ.

2018 წლის ღონისძიება არსებობის ისტორიაში ყველაზე მასშტაბური გამოდგა. უნდა აღინიშნოს, რომ ღონისძიებით უაღრესად კმაყოფილი დარჩნენ როგორც მონაწილეები, ასევე უცხოელი სტუმრები, გულშემატკივრები და „თბილისიმარათონში“ ჩართული ყველა კომპანია თუ სახელმწიფო უწყება. ეს იყო ძალიან კარგად ორგანიზებული ღონისძიება, რაშიც საქართველოს შინაგან საქმეთა სამინისტროს საპატრულო პოლიციის დეპარტამენტს ძალიან დიდი წვლილი მიუძღვის.

„თბილისიმარათონი“ მსოფლიოში აპრობირებული წესებით ჩატარდა: გამოიყენება გერმანული კომპანიის Mylaps სისტემა „Official Timekeeping and Data Processing”, რომელიც გამოცდილია შტუდგარდის, ფრანქკფურტის, ჰამბრუგისა და ბერლინის მარათონებზე. ნახევარმარათონის შედეგებიც სწორედ ამ სისტემით ითვლება, რაც ღონისძიების სამართლიანად ჩატარებას უზრუნველყობს