თბილისიმარათონი 2024 წლის 22 სექტემბერს ჩატარდა და კვლავაც ერთ-ერთ მნიშვნელოვან სპორტულ ღონისძიებად იქცა საქართველოში. მარათონში მონაწილეობა მიიღეს როგორც ქართველმა, ისე საერთაშორისო მორბენლებმა. წელს პირველად, რეგისტრაციის ოფიციალურად გათიშვამდე 3500 ადამიანი დარეგისტრირდა და რეგისტრაცია ავტომატურად დასრულდა.

ჰაიდელბერგცემენტის მიერ ორგანიზებული სოციალური პროექტი თბილისიმარათონი 2023 წლის 1 ოქტომბერს, ტრადიციულად, დედაქალაქის ცენტრალურ ქუჩებში გაიმართა. 

ჰაიდელბერგცემენტის მიერ ორგანიზებული სოციალური პროექტი თბილისიმარათონი 2022 წლის 25 სექტემბერს მეათედ გაიმართა.  ღონისძიება ტრადიციული ფორმატით ჩატარდა და დედაქალაქის ცენტრალური ქუჩები მოიცვა. ფოტოებისთვის გადადით ბმულზე - https://witisi.photo/event/tbilisimarathon2022  

2020 წელს თბილისიმარათონის ტრადიციული ფორმატი გავაუქმეთ, თუმცა ციფრული გარბენის ფორმატით მაინც დაგიბრუნდით, რომელში ჩართვაც უკვე ნებისმიერ მსურველს, მსოფლიოს ნებისმიერი წერტილიდან შეეძლო! ამისათვის მხოლოდ აპლიკაციის - Strava - გადმოწერა იყო საჭირო ერთი კილომეტრის გავლით შენ ავტომატურად ერთვებოდი გამოწვევაში! ჩელენჯის მიზანი ჯამურად 500 000 კილომეტრის გარბენა იყო! 

რიგით მერვე ნახევარმარათონში ჯამში 55 ქვეყნის 2710 მონაწილე და 500 ბავშვი ჩაერთო.ფინიშის ხაზი კი 1683-მა მორბენალმა გადაკვეთა. გაორმაგებული და პირდაპირი წესით გადარიცხული თანხის ჯამი კი 75 950 ლარს შეადგინა და 2019 წლის ბენეფიციარს - „ძეგვის თავშესაფარს“ მოხმარდა. 

რიგით მეშვიდე ნახევარმარათონში ჯამში 54 ქვეყნის 2759 მონაწილე და 500 ბავშვი ჩაერთო.ფინიშის ხაზი კი 1419-მა მორბენალმა გადაკვეთა. რეგისტრაციიდან შემოსულმა თანხამ 45 495 ლარი შეადგინა, გაორმაგებული ოდენობით - თბილისში ორგანიზაცია "პირველი ნაბიჯის" კოტეჯების რეაბილიტაციას და მოწყობას მოხმარდა. შესაბამისად „თბილისიმარათონზე“ თითოეული დარეგისტრირებული პირი ქველმოქმედების მონაწილე გახლდათ.

2017 წლის თბილისიმარათონზე 120 გუნდი და 51 ქვეყნის წარმომადგენელი 2258 მონაწილე დარეგისტრირდა. ფინიშის ხაზი 1195 გადაკვეთა. რეგისტრაციიდან შემოსულმა თანხამ 31 435 ლარი შეადგინა, რაც კომპანია „ჰაიდელბერგცემენტის“ მიერ გაორმაგებული ოდენობით - ქალაქ კასპში „კასპის შშმ პირთა კავშრის“ სოციალური საწარმოს მოწყობას მოხმარდება

ჰაიდელბერგცემენტის მიერ ორგანიზებული სოციალური პროექტი თბილისიმარათონი 2016 წლის 23 ოქტომბერს მეხუთედ გაიმართა. ღონისძიებამ 2016 წელს კიდევ უფრო დიდ მასშტაბს მიაღწია, სპეციალურად თბილისიმარათონისთვის ჩვენს დედაქალაქს ეწვია 50-მდე სხვადასხვა ქვეყნის წარმომადგენელი

2015 წელს 4 წლიანი ისტორიის მქონე თბილისიმარათონი უკვე გახდა საერთაშორისო ყოველწლიური სპორტული ღონისძიება და ამავდროულად ძალიან წარმატებული სოციალური პროექტი. რიგით მე-4 თბილისიმარათონი 2015 წლის 25 ოქტომბერს გაიმართა და თბილისი ზღვის ტერიტორიიდან უკვე ქალაქის ქუჩებში გადმოინაცვლა.

პირველი თბილისიმარათონის გამარჯვებული ახალგაზრდა სპორტსმენი დავით ხარაზიშვილი გახდა, რომელმაც ნახევარმარათონის დისტანცია - 21 კილომეტრი საათსა და 14 წუთში დაფარა. 2012 წლის ღონისძიებაში ქალთა კატეგორიაში გამარჯვება კი სპორტსმენმა გიული დეკანაძემ მოიპოვა.

საქართველოში ერთ-ერთმა ყველაზე დიდმა ინვესტორმა და სამშენებლო მასალების წარმოებაში ლიდერმა კომპანიამ ჰაიდელბერგცემენტმა 2013 წლის 26 ოქტომბერს რიგით მეორე ნახევარმარათონი გამართა. „თბილისიმარათონი“ საქველმოქმედო ხასიათის ღონისძიებაა და ის პარალელურად ჯანსაღი ცხოვრების წესის დამკვიდრებას ემსახურება.